دندونة والأحباب


دندونة والأحباب

منتدى ياكل الجوووووووو
 
الرئيسيةالبوابةالتسجيلدخول

                


شاطر | 
 

  الصحفية لميس من جريدة (( مشربش الشاي اشرب كازوزة انا )) قصة مضحكة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آ¨آ¨â„¢آ¤آ¦ noor habib آ¦
*
*
avatar

الجنس انثى العذراء عدد المساهمات : 489
تاريخ التسجيل : 25/05/2010
العمر : 21
الموقع الموقع : http://dandona-firend.ahlamontada.net

مُساهمةموضوع: الصحفية لميس من جريدة (( مشربش الشاي اشرب كازوزة انا )) قصة مضحكة   السبت يوليو 24, 2010 2:36 pm

الف مبروك يا لميس اخيرا اتعينتي بعد عناء طويل وجاتلك الوظيفه الي بتحلمي بيها

اه يا سوزي تخيلي انا بجد فرحانه اوي اخيرا بقيت صحفيه ده انا هعمل احلى شغل ادعيلي انتي بس

ربنا يوفقك يا ستي وتبقي صحفيه مشهوره

ياااااااااه احلامي كلها خلاص بدات تتحقق


ورجعت البيت احضر نفسي علشان هبدا شغل من بكره

رحت الشغل وانا فيه دلوقتي
طلب مني رئيس التحرير بتاع جريده (( مشربش الشاي اشرب كازوزه انا ))
طلب مني !!!!

رئيس التحرير::لميس انا عايزك تعمليلي تقرير في اسرع وقت باسم مصر هي امي
تنزلي الشارع وتختاري طلاب وشحاتين واساتذه وموظفين وشباب واطفال وكل واحد يقول كلمه شكر في مصر
ده موضوع مهم جدا علشان هينزل في العدد بتاع الاسبوع الجاي

قلتله حاضر يا فندم تحت امر حضرتك التقرير هيكون جاهز في خلال يومين

ياااااااااااااه اخيرا هنزل الشارع واعمل تقريرات وحوارات وحجات الله انا كان نفسي في كده اوي

تاني يوم نزلت اشوف شغلي وانا كلي امل وتفاؤل






اول حاجه رحتها هيا المدرسه
وخدت طالب قلتله يا حبيبي تحب تقول ايه لمدرستك ولاصاحبك في المدرسه وكلمتك هتوصل لمصر

رد عليا وقال

الدنيا حلوه واحنا ساقطين بنعيشها ياناس فرحانين
ننسى الي فتنا ونعيش حياتنا على السقوط متواعدين
انسى

كل االشباب ساقطين ساقطين متجمعي في المدارس فاشلين
على ايه تكشر وليه تفكر دا العمر كله يومين

انسى
انسى درجاتك على طول على طول ما تسبش زعلك مره يطول
افرح شويه واضحك شويه كدا خلي روحك عليا وهاي
ويا قلبي طنش كمان وكمان وصل تطنيشي لكل مكان
وانا لو عليا ده الوقت قيا عشان اقول يا درجات باي باي
ادروس غيرت معنى الكون خلتله ملل وزهق ونوم
غياب زياده لاء مش بعاده دنا حاسه اني همووت

انسى
احنا اللي بالدراسه ما فلحنا ارتحنا وريحنا روحنا
فوت وعدي علشان تعدي وارتاح من التفكير

اتصدمت وكتبت كل حاجه ومشيت


]

رحت بعد كده على قهوه وفيها 5 شباب قاعدين
وبسم الله ماشاء الله كل واحد في ايده السيجاره والشيشه والقهوه شباب ثكر يعني
قلتلهم
مساء الخير عليكم
يا صباح الفل يا ابله
احم احم ... الحقيقه انا بعمل تقرير اسمه مصر هيا امي وعايزه من كل واحد فيكم كلمه لبلده مصر الحبيبه
ههههههههههههههههه خلو البت دي تمشي من هنا ال بلدي ايه
يا مزمزيل متقلبيش علينا المواجع نشكر مين وبتاع مين
دي لو امي بجد كنت طلقتها من زمان هاهاهاهاهاهاهاهاااااااااااي
مساء الجمال تاخدي تصبيحه
تصبيحه ايه يا جدع انت شايف ام الدنيا قدامك ولا ايهوبعدين ليه بتقول الكلام ده :confused1:

اصل زي ما حضرتك شايفه كده قاعدين على القوه علطول بنعد في النجوم
وصلت لفين يا واد يا زيزو ؟؟ 150 يا ريس
وعلى العموم انا احب اشكر بلدي الحبيبه التي جعلتي متشردا مش لاقي شغل وانا مخلص كليه الهندسه وطفحت الدم وكعيت فلوس قد كده وفي نهايه اللقاء احب اهدي اغنيه ست الحبايب يا حبيبه كانت تاني

اتصدمت ومشيت




عديت على اطفال بيبيعو مناديل في الاشارات
تعالا يا حبيبي قولي انت اسمك ايه؟؟
وانتي مالك يا بت روحي العبي بعيد
بت مين يا حبيبي انا طنط معاك طنط لميس

انجزي يعني عايزه حاجه؟؟

انت عندك كام سنه ؟؟ عندي 10 سنين
وبتعمل ايه هنا ؟؟؟ مفيش اصلي زهقت من التكييف في البيت فنازل اشم هوا طبيعي هكون بعمل ايه يا خالتي اديني بتنيل ابيع مناديل علشان اصرف على امي واخواتي

طيب يا حبيبي انا بعمل تقرير اسمه مصر هيا امي ممكن تقول كلمه لمصر حبيبتك؟؟

ايون طبعا طبعا

مصر التي بهدلتني وتركتني للشوارع لقيطا
حسبي الله ونعم الوكيل سوف يعود حقي فهو ليس بعيدا

اتصدمت ثالث مره ومشيت





ولقيت ست عجوزه كبيره ورحتلها وكلي امل تدعي دعوتين حلوين كده لمصر وتشكرها

سلام عليكم مساء الخير يا حجه عامله ايه؟؟

وعليكم السلام يا بنتي .. اتفضلي انا عامله شويه بطاطس بقالهم 5 ايام بايتين وباكل عيالي منهم

احم احم يا ساتر يارب ده يوم باين من اوله

الحقيقه يا حجه انا لميس من جريده مشربش الشاي اشرب كازوزه انا وبعمل تقرير صحفي اسمه مصر هيا امي
واحب ان حضرتك تقولي كلمه لبدك مصر

حسبي الله ونعم الوكيل
ربنا ينتقم من كل ظالم
ربنا على الظلم والمفتري
يارب تشوفو نص الي احنا شايفينه
حاهئ اهئ اهئ اهئ اهئ اهئ
في ايه يا حجه خضتيني مالك بس بتعيطي ليه بقوله تدعيلها مش تدعي عليها

وانا يا بنتي شفت ايه بس كويس علشان ادعيلها حسبي الله ونعم الوكيل

ليه بس يا حجه مالك انتي كمان

زي ما انتي شايفه يا بنتي عشه متر في متر وبيتنا اتهد من سنتين ورحت لكل المسؤولين كل واحد يقولي روحي للتاني ومفيش فايده
اعيش عيالي ازاي طب يوظفولي ابني لو حتا زبال يجبلنا تمن لقمه بس ناكلها
ربنا على الظالم اهئ اهئ اهئ اهئ ربنا على الظلم

مشيت رابع مره واتصدمت


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



ومشيت لقيت اتنين حبيبه واقفين قلت بس هما دول الي هيقولو كلمه كويسه

مساء الخير يا قطاقيط

مساء الخير يا فندم

الحقيقه انا بعمل تقرير بعنوان مصر هيا امي ونحب انكم تقولو كلمه لمصر

الولد : ابوس ايدك يا سياده الريس عايزه شقه او اوده اتجوز فيها البت هتضيع من ايديا
البنت : نفسي في حته بتجاز من ابو عنين ده اعمل عليه شوربه ارانب للراجل ده يرم عضمه ده يا حبه عيني بيشقى طول النهار

مشيت واتصدمت لخامس مره




وولقيت راجل قاعد بيتامل في القمر والسما قلت يااااااااااااه هو ده شكله بيحب مصر اوي وقاعد على النيل بيبص للقمر والسحاب

مساء الخير يا استاذ

حضرتك بتكلميني يا انسه

اه تقريبا كده !!
انا بعمل تقرير ...

وقبل ما اكمل كلامي

الراجل : هاهاهاهاهاهاهاهاهاهاهااااااااااااااااااااااااااااي
انتو مش بتزهقو يا بتوع الصحافه ده انتو عالم رايقه اوي


يا فندم ياريت تسمعني انا بعمل تقرير بعنوان مصر هيا امي واحب تقول كلمه شكر لمصر

طب احلفي ان مصر هيا امك
بالنسبه لامي فهيا ماتت من زمان يا انسه
مصر تبقى حماااااااااااااااااااااااااااتي

الا صحيح متعرفيش هيدوني معاش كام اصل الموضوع ده شاغلني اوي اصلي لسه طالع معاش بعد خدمه 40 سنه في 3 ثانوي مدرس اول عربي بمرتب 150 جنيه شهريا
جالي السكر والضغط والقلب والبواسير والزايده والمسمار الاعور وتقريبا اطرشيت

مشيت واتصدمت


]

وقلت يا ريتني ما كنت اشتغلت الشغلانه دي
انا اتعقدت
الناس دي عندها حق احنا مش شايفين الناس دي وكمان بنجبرهم يقولو حاجه ميقدروش يقولوها لانهم مشفوهاش فعلا
ولقيت وانا ماشيه شاب واقف بعربيه اخر موديل وماسك السيجاره ومعاه بنتين رحتله بقوله
تحب تقول حاجه لمصر ؟؟

قالي طبعااااا مصر دي كووووووووووول اخر حاجه دي هيا امي وحبيبه قلبي كمان هاهاهاهاها
وقال كده بعد ما عرفت ان ابوه بيشتغل تاجر مخدرات والفلوس على قلبه قد كده


رحت الشغل وقدمت التقرير ومعاه استقالتي

وكان شكل التقرير



التقرير:


طالب مدرسة :


الدنيا حلوه واحنا ساقطين بنعيشها ياناس فرحانين
ننسى الي فتنا ونعيش حياتنا على السقوط متواعدين
انسى

كل االشباب ساقطين ساقطين متجمعي في المدارس فاشلين

على ايه تكشر وليه تفكر دا العمر كله يومين

انسى

انسى درجاتك على طول على طول ما تسبش زعلك مره يطول

افرح شويه واضحك شويه كدا خلي روحك عليا وهاي

ويا قلبي طنش كمان وكمان وصل تطنيشي لكل مكان

وانا لو عليا ده الوقت قيا عشان اقول يا درجات باي باي

الدروس غيرت معنى الكون خلتله ملل وزهق ونوم

غياب زياده لاء مش بعاده دنا حاسه اني همووت

انسى

احنا اللي بالدراسه ما فلحنا ارتحنا وريحنا روحنا

فوت وعدي علشان تعدي وارتاح من التفكير



شباب القهوة :

صل زي ما حضرتك شايفه كده قاعدين على القوه علطول بنعد في النجوم
وصلت لفين يا واد يا زيزو ؟؟ 150 يا ريس
وعلى العموم انا احب اشكر بلدي الحبيبه التي جعلتي متشردا مش لاقي شغل وانا مخلص كليه الهندسه وطفحت الدم وكعيت فلوس قد كده وفي نهايه اللقاء احب اهدي اغنيه ست الحبايب يا حبيبه




طفل الشارع :


مصر التي بهدلتني وتركتني للشوارع لقيطا
حسبي الله ونعم الوكيل سوف يعود حقي فهو ليس بعيدا




السيدة العجوز :

حسبي الله ونعم الوكيل
ربنا ينتقم من كل ظالم
ربنا على الظلم والمفتري
يارب تشوفو نص الي احنا شايفينه
حاهئ اهئ اهئ اهئ اهئ اهئ



الحبيبة :

الولد : ابوس ايدك يا سياده الريس عايزه شقه او اوده اتجوز فيها البت هتضيع من ايديا
البنت : نفسي في حته بتجاز من ابو عنين ده اعمل عليه شوربه ارانب للراجل ده يرم عضمه ده يا حبه عيني بيشقى طول النهار


الموظف الحكومي :

طب احلفي ان مصر هيا امك
بالنسبه لامي فهيا ماتت من زمان يا انسه
مصر تبقى حماااااااااااااااااااااااااااتي

الا صحيح متعرفيش هيدوني معاش كام اصل الموضوع ده شاغلني اوي اصلي لسه طالع معاش بعد خدمه 40 سنه في 3 ثانوي مدرس اول عربي بمرتب 150 جنيه شهريا
جالي السكر والضغط والقلب والبواسير والزايده والمسمار الاعور وتقريبا اطرشيت


الولد المتريش ابن تاجر المخدرات :

طبعااااا مصر دي كووووووووووول اخر حاجه دي هيا امي وحبيبه قلبي كمان هاهاهاهاها




اتمنى يكون الموضوع عجبكم
الرجوع الى أعلى الصفحة اذهب الى الأسفل
 
الصحفية لميس من جريدة (( مشربش الشاي اشرب كازوزة انا )) قصة مضحكة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دندونة والأحباب :: القسم الأجتماعي والأدبي :: القصص والحكايات-
انتقل الى: